Fréttir

Kæru vinir, Í vor stóð foreldrafélag Aðalþings fyrir söfnun til minningar um Hörð Svavarsson, sem var leikskólastjóri á Aðalþingi í 15 ár og lést langt fyrir aldur fram í júní á síðasta ári. Við erum ótrúlega þakklát fyrir þær góðu viðtökur sem söfnunin fékk og viljum þakka öllum kærlega sem lögðu henni lið. Fyrir það sem safnaðist hefur nú verið keypt gróðurhús sem komið hefur verið fyrir í bakgarði leikskólans í góðu samstarfi við Kópavogsbæ og mun það bera nafnið Harðarhöll, til minningar um Hörð. Hörður hafði lengi haft áhuga á að koma upp gróðurhúsi við leikskólann og því er sérstaklega ánægjulegt að sjá þessa hugmynd hans og starfsfólksins á Aðalþingi loksins verða að veruleika. Þar munu börnin geta ræktað plöntur og grænmeti, lært og leikið sér og notið hússins um ókomin ár. Nú langar okkur að fagna þessum áfanga saman og bjóðum því til opins húss á Aðalþingi fimmtudaginn 15. október kl. 17–18, þar sem við ætlum að opna Harðarhöll formlega. Við vonum að sem flestir sem þekktu Hörð og lögðu söfnuninni lið sjái sér fært að koma, skoða Harðarhöll og eiga með okkur góða stund í minningu Harðar. Fimmtudagur 15. október, kl. 17–18 Aðalþing Hlökkum til að sjá ykkur ❤️

Þróunarverkefnið Stilla, um hæglátt leikskólastarf, fékk í dag tilnefningu til Íslensku menntaverðlaunanna 2026. Stilla er þriggja ára þróunarverkefni sem við í Aðalþingi erum stolt af að hafa tekið þátt í og tökum mikið með okkur frá þessu ferli.

Það er mikið gleðiefni að segja frá því að gróðurhúsið sem við söfnuðum fyrir í vor er nú alveg að fara að rísa! Undanfarið hefur verið unnið að undirbúningi og nú er verið að leggja lokahönd á undirstöðurnar. Ef allt gengur samkvæmt áætlun verður gróðurhúsið sjálft reist í lok vikunnar. Við erum ótrúlega spennt að sjá þetta skemmtilega verkefni verða að veruleika og hlökkum mikið til að nýta gróðurhúsið með börnunum – til ræktunar, rannsókna, uppgötvana og náms. 🌱🌿 Við viljum um leið þakka öllum sem tóku þátt í söfnuninni í vor og lögðu sitt af mörkum. Án ykkar hefði þetta ekki orðið að veruleika

Leikskólinn lokar kl. 14 þann 3. júlí og opnar aftur þann 5. ágúst kl. 10.

Foreldrafélag leikskólans hefur ákveðið að efna til söfnunar fyrir gróðurhúsi í nafni Harðar sem verður staðsett í bakgarði leikskólans og mun nýtast börnum til leiks og lærdóms. Hörður hafði lengi haft áhuga á að koma upp slíku gróðurhúsi og þykir okkur því sérstaklega viðeigandi að láta þá hugmynd hans, og teymisins á Aðalþingi, verða að veruleika. Í framtíðinni munu börnin þá geta ræktað plöntur og grænmeti í gróðurhúsinu í nafni sjálfbærni sem er samtvinnuð inn í allt leikskólastarfið. Við hvetjum alla sem vilja taka þátt til að leggja sitt af mörkum með framlagi inn á reikning foreldrafélagsins, 0357-22-010454, kennitala 531109-1980, fyrir 10. júní.

Í dag kl. 13 fer fram ráðstefnan Að finna taktinn í Háskólabíó þar sem sjónum verður beint að hæglæti í leikskólastarfi og mikilvægi þess fyrir börn, starfsfólk og menningu leikskóla. Á ráðstefnunni koma saman alþjóðlegir fræðimenn, íslenskir rannsakendur og starfandi leikskólakennarar til að fjalla um hvernig hægt sé að skapa meiri ró, dýpri tengsl og merkingarbærara nám í daglegu starfi með börnum.

Röskun verður á leik- og grunnskólastarfi á morgun vegna appelsínugulrar veðurviðvörunar frá 7:00-13:00.

Næsta mánudag, 30. mars, hefst páskafrí í leikskólanum, við opnum aftur á þriðjudag eftir páska.

Þriðjudaginn 10. mars næstkomandi verður skipulagsdagur hér í Aðalþingi, þann dag verður leikskólinn lokaður.

Dagana 19.-20. febrúar er vetrarfrí í leik- og grunnskólum Kópavogs. Þessa daga verður lokað í Aðalþingi.