Fréttir

Í fylgiblaði Fréttablaðsins í dag er viðtal við Dr. Guðrúnu Öldu Harðardóttur, fyrsta skólastjórann í Aðalþingi, sem hefur rekið leikskólann með Sigurði Þór Salvarssyni undir merkjum Sigöldu ehf. í þrettán ár. Leikskólinn Aðalþing hlaut Íslensku menntaverðlaunin 2021. Þar er rekið framsækið skólastarf þar sem frumkvöðlaandi ríkir.

Forseti Íslands, Guðni Th. Jóhannesson, tilkynnti í dag að Leikskólinn Aðalþing hafi hlotið Íslensku menntaverðlaunin 2021 en skólinn var tilnefndur fyrir framsækið, skapandi skólastarf og lýðræðislega starfshætti. Guðni afhenti skólanum verðlaunagrip og viðurkenningarskjöld við þetta tækifæri.

Frá árinu 2015 hefur leikskólinn Aðalþing unnið að þróunarverkefninu Eiturefnalaus leikskóli. Efnainnihald aðfanga og námsgagna hefur verið skimað og námsgögn sem ekki standast kröfur okkar hafa verið fjarlægð. Nú erum við komin á þann stað að við teljum tímabært að fá Svansvottun á eldhúsið okkar. Ekkert skólaeldhús á Íslandi hefur fengið slíka vottun.

Í dag var tilkynnt að Leikskólinn Aðalþing er tilnefndur til Íslensku menntaverðlaunanna 2021 fyrir framsækið, skapandi skólastarf og lýðræðislega starfshætti. Forseti Íslands stofnaði til Íslensku menntaverðlaunana en þau eru samstarfsverkefni fjölmargra aðila. Fjölmenn akdemía tekur við innsendum tilnefningum og valdi úr þrjá skóla sem njóta formlegrar tilnefningar. Okkur er því mikill heiður að þessari tilnefningu.

Fyrir ári gáfum við út Stefnu leikskólans Aðalþings um mál og læsi. Stefna um málþroska, lestur og lesskilning barna í Aðalþingi byggir á hugmyndafræði skólans, aðalnámskrá leikskóla og tekur mið af Stefnu Kópavogsbæjar um mál og lestur (2016). Börnin í Aðalþingi hafa árum saman náð góðri eða meðalgóðri færini í skimunarprófinu Hljóm, svo okkur fannst ástæða til að taka saman í skjal stefnu okkar um mál og læsi.

Í Aðalþing höfum við sett saman verkfæri kennara fyrir sameiginlega og samfellda ígrundun á leikskólastarfinu, sem myndar grundvöll skipulagningar skólastarfsins. Við köllum það Kerfisbundið innra mat.

Það gleður okkur að tilkynna að Agnes Gústafsdóttir hefur hafið störf sem aðstoðarleikskólastjóri í leikskólanum Aðalþingi. Agnes er leikskólakennari, með M.ed. gráðu í leikskólakennarafræðum frá háskóla Íslands. 
Hún hefur góða reynslu af leikskólastarfi en hún hóf störf í Heilsuleikskólanum Urðarhóli 2008 og vann síðar í leikskólanum Álfasteini í Hafnarfirði. Agnes tók einnig viðbótarnám í grunnskólakennarafræðum og vann síðast sem umsjónarkennari í Setbergsskóla

Eftirfarandi upplýsingar voru gefnar út frá Kópavogsbæ í dag. Vegna fjölda barna á biðlista eftir leikskóladvöl í Kópavogi verður úthlutað í tvennu lagi. Börn fædd árið 2019 og eldri verða í fyrri úthlutun og fá foreldrar úthlutunarbréf fyrir 1. apríl n.k. Börn fædd á fyrri hluta árs 2020 verða í seinni úthlutun og fá foreldrar úthlutunarbréf fyrir 1. maí. Ekki er fyrirsjáanlegt hversu ung börn fá boð um vistun í seinni úthlutun.

Þann 6. febrúar ár hvert er dagur leikskólans haldinn hátíðlegur í leikskólum landsins. En þann dag árið 1950 stofnuðu frumkvöðlar leikskólakennara fyrstu samtök sín. Af þessu tilefni gefur Aðalþing út stutt myndband um raungreinar og sköpun í leik.

Í haust hefur verið lögð mikil áhersla á að börn með einhver einkenni um veikindi komi ekki í leikskólann. Í kjölfarið sjáum við að bæði börn og starfsfólk er minna frá vegna veikinda af völdum algengra umgangspesta.