Gleðilegur dagur í Aðalþingi – opnun Harðarhallar

Harðarhöll

Það var sannkallaður gleðidagur í Aðalþingi þegar við opnuðum nýja gróðurhúsið okkar formlega! Gróðurhúsið sem fengið hefur nafnið Harðarhöll er afrakstur söfnunar sem fór fram síðastliðið vor og við erum ótrúlega þakklát öllum sem lögðu hönd á plóg og hjálpuðu okkur að láta þennan draum rætast. Við hlökkum mikið til að sjá börnin sá, rækta, rannsaka og uppgötva allt það spennandi sem gróðurhúsið hefur upp á að bjóða.

Í tilefni dagsins opnuðum við dyr leikskólans og buðum gestum að kynnast starfinu okkar, skoða námsumhverfi leikskólans og fá smá innsýn í allt það skemmtilega og skapandi starf sem börnin fást við á hverjum degi. Einnig var boðið upp á dýrindis smakk úr eldhúsinu okkar sem vakti mikla lukku.

Það var yndislegt að sjá svona marga, spjalla saman og njóta samverunnar.
Við þökkum öllum kærlega fyrir komuna og fyrir að gleðjast með okkur á þessum skemmtilega degi!