Fréttir

Í dag fer fram brautskráning elstu barnanna í Aðalþingi. Athöfn verður af því tilefni í Salnum í Kópavogi. Börnin munu í misstórum hópum sýna afrakstur skólastarfsins á vorönninni. Börnin fá afhent brautskráningarskjöl og birkiplöntu eins og undanfarin ár. Athöfnin hefst klukkan 15 og boðið verður upp á léttar veitingar að samkomunni lokinni. Allir eru velkomnir.

Föstudaginn 7.apríl verður Sesselja Hauksdóttir, fyrrverandi leikskólafulltrúi kvödd. Sesselja gegndi stöðu leikskólafulltrúa í 24 ár, en hún lést þann 22.mars eftir langvarandi veikindi. Hennar verður sárt saknað af leikskólakennurum. Henni til virðingar munu leikskólar í Kópavogi flagga í hálfa stöng þennan dag.

Eins og kemur fram í skóladagatalinu þá er skipulagsdagur í Aðalþingi mánudaginn 13. mars. Jafnframt verða tveir seinustu skipulagsdagar skólaársins þann 19. og 21. apríl, sem eru beggja vegna sumardagsins fyrsta.

Nú er tækifæri til að ráða sig til starfa í frábærum leikskóla. Við erum að svipast um eftir kennurum til að koma til samstarfs við öflugan kennarahóp í Aðalþingi, í haust eða fyrr eftir atvikum. Aðalþing styðst við hugmyndafræði Loris Malaguzzi frá Reggio Emilia og hefur skólinn hlotið gott umtal. Nánari upplýsingar um starfið má fá á heimasíðu skólans adalthing.is, Facebooksíðu skólans og á Youtuberás Aðalþings þar sem eru sex myndbönd frá starfinu undanfarið ár.

Í tilefni af degi leikskólans 2017 frumsýnir Aðalþing nýtt myndband. Samkvæmt Aðalnámskrá leikskóla á að hvetja börn til sjálfstæðra vinnubragða, efla trú þeirra á eigin getu og stula að því að þau tileinki sér að borða hollan mat. Í tilefni af Degi leikskóla 6. febrúar 2017, frumsýnir Aðalþing myndband um Borðstofuna, þar sem tveggja ára börnin borða. Myndbandið er dæmi um hvernig unnið er að matarmennt tveggja ára barna í Aðalþingi. Borðstofan er tilbrigði við Matstofuna í Aðalþingi sem þjónað hefur þriggja til sex ára börnum frá árinu 2011.

Samkvæmt skóladagatali er skipulagsdagur mánudaginn 2. janúar. Við höfum samt ákveðið að opna þann dag klukkan 12:30 og hefst þá dagurinn á útiveru ef veður leyfir.

Jólakræsingararnar okkar og kókoskúlurnar og jólarauðkálið verður selt núna fyrir jólin eins og venjulega. Salan fer fram á næstu dögum og vörurnar verða afhentar á þriðjudag. Forsala hefst í dag á linknum:

Bæjarstjórn Kópavogs hefur samþykkt breytingar á gjöldum leikskóla frá 1. janúar 2017. Grunngjald v/ 8 stunda dvalar eða minna verður kr. 2.791,- fyrir hverja klukkustund á mánuði og lægra gjald kr. 1.954.- Gjald fyrir hádegisverð verður kr. 6.152,- á mánuði og gjald fyrir síðdegishressingu kr. 2.123,-. Gjald fyrir fyrstu hálfu stund umfram 8, verður kr. 4.566,- á mánuði, lægra gjald kr. 3.196,-. Fyrir næstu hálfu stund kr. 9.132,- og lægra gjald kr. 6.393 og fyrir þar næstu, kr. 9.132,- og lægra gjald kr. 6.393,-

Í nýrri stefnu Kópavogs um mál og lestur í leik- og grunnskólum er stefnt að því að við lok skólaársins 2020 hafi 90%, fimm ára barna öðlast meðal- eða góða færni samkvæmt skimunarprófinu Hljóm-2. Í nóvember 2016 var skimunarprófið Hljóm-2 lagt fyrir öll 5 ára börn í Aðalþingi, niðurstöður sýna að 94% barnanna hafi öðlast meðal- eða góða færni samkvæmt prófinu.

Nýtt skóladagatal er nú komið undir hnapp í dálkinum hér til hægri á forsíðunni. Næsti skipulagsdagur er 7. október ekki verða aðrir skipulagsdagar á önninni.