Leikskólinn Aðalþing

Aðalþing stendur að þróunarverkefninu Stilla - um hæglátt leikskólastarf, ásamt þremur öðrum leikskólum og vísindamönnunum Dr. Önnu Hreinsdóttur við HÍ. Kristínu Dýrfjörð við HA, Dr. Alison Clark, höfund Mósaík nálgunarinnar og bókarinnar Slow knowledge and the unhurried child: time for slow pedagogies in early childhood education og Dr. Kari Carlsen prófessor og sérfræðing í tengslum skráninga og sköpunar frá Noregi.

Að venju hófst aðlögun í Aðalþingi í gær, á þriðjudegi um miðjan ágúst. Aðalþing var fyrsti leikskólinn á Íslandi til að standa að svokallaðri þátttökuaðlögun, sem er form sem meirihluti leikskóla notar núna. Í gær hófu 33 börn skólagöngu í Aðalþingi og á föstudag er aðlögun lokið.

Aðalþing verður opnað eftir sumarfrí um klukkan 10 miðvikudaginn 9. ágúst. Þrjátíu ný börn byrja í skólanum um miðjan ágúst. Foreldrar nýrra barna hafa verið boðaðir á kynningarfund í skólanum á fimmtudaginn 10. ágúst. Samtöl deildarstjóra við foreldra nýrra barna hafa verið skipulögð dagana fram að aðlögun, sem hefst 15. ágúst og lýkur í þeirri viku.

Við komum aftur úr sumarfríi miðvikudaginn 9. ágúst klukkan 10:02 Skóladagatal fyrir skólaárið 2023-2024 hefur verið birt og er aðgengilegt á forsíðu adalthing.is en einnig í fataherbergjum allra deilda að venju.

Uppfært 10.4.2023: Úthlutun til barna um pláss í Aðalþingi haustið 2023 er nú lokið af hálfu Kópavogsbæjar. Þær fjölskyldur sem ekki hafa fengið boð um skólavist komast væntanlega ekki að í Aðalþingi þetta haustið. Litlar breytingar geta orðið ef þeir sem hafa fengið boð afþakka. Í slíkum tilfellum myndi sveitarfélagið úthluta í samræmi við úthlutunarreglur sem fyrst og fremst taka mið af aldri. Foreldrum er ætíð velkomið að hafa samband við okkur ef þeir óska nánari upplýsinga.

Foreldrafélagið hefur óskað eftir því við okkur að leikskólinn innheimti foreldrafélagsgjöldin samhliða dvalargjöldum. Sérstakur liður á næsta reikningi verður því Félagsgjald í foreldrafélag Aðalþings. Til þess að þetta gangi vel er mikilvægt að foreldrar séu sáttir við þetta fyrirkomulag. Við biðjum þig um að láta okkur vita fyrir 20. nóvember ef þið viljið ekki taka þátt í starfi foreldrafélagsins og þá verður félagsgjaldinu ekki bætt við reikninginn til þín.