Nýtt skólaár hófst formlega í dag samkvæmt skipulagi sem hefð er fyrir í Kópavogi. Af því tilefni gleður okkur að tilkynna að skóladagatal Aðalþings liggur liggur nú fyrir á vef skólans. Það gleður okkur jafnframt að kynna, að í samræmi við nær einróma niðurstöðu úr foreldrakönnun lokar leikskólinn ekki vegna skipulagsdaga á þessari önn, en þremur skipulagsdögum er þess í stað raðað niður á tímabil við áramótin þegar grunnskólar eru einnig lokaðir. Þetta fyrirkomulag var einnig viðhaft á seinasta skólaári eftir að kosið var um formið meðal foreldra.

Í tilefni af nýju skólaári munum við á næstu dögum kynna einstaka þætti skólastarfsins sérstaklega fyrir foreldrum.